Mən Kiməm

Mart 27, 2012 müəllifi qabbas

 

 

İnsan yarandıqdan bəri bir neçə suallar qarsısında aciz qalıb.Daha doğrusu bu sualları dəfələrlə öz-özünə verib,  cavablar tapmağa çalışıb. Bu suallar elə suallardır ki, onların konkret tərifini vermək qeyri-mümkündür.Hər bir insan sualların cavab axtarışında olarkən öz daxili dünyasına dalır və bundan sonra cavab tapa bilir. Bu kimi suallardan biri də mən kiməm? sualıdır. Bəli, bəlkədə insanın ən çox cavab axtardığı sual budur. İsan özünü dərk etmək, öz məninin formalaşmasını istədiyi prosesdə ən çox axtardığı cavab məhz onun kim olmasıdır.

Həqiqətən mən kiməm? Nə üçün yaradılmışam? Mənim dünyadakı fəaliyyətim nədən ibarətdir? Mən necə yaşamalıyam? . İnsanların uşaq vaxtdan cavab tapmaq istədikləri bu sualları  məndə dəfələrlə cavablandırmaq istədim. Nəticədə bunun cavabını müəyyən qədər tapdım. Onu da qeyd edim ki, cavablar mənim düşüncələrimdən gələn sözlərdir.

Mən insanam. Yaradılanların ən gözəli, ən mükəmməli. Mənim tayim-bərabərim yoxdu. Məni allah(c.c) bir ovuc torpaq və sudan yaradıb və üfürərək mənə məni mən edəni ruhu verib. Allah (c.c) məni elə yaradıb ki,  mən mümkün olan hər şeyi edə bilərəm.Məmim süurum var. Mən dərk edə bilirəm. Mən hər hansı bir şeyin izahını verə bilirəm. Bundan gözəl bir şey varmı?. Mən aciz deyiləm( yalnız yaradan Allah (c.c) qarşısında). Mən heyvan deyiləm və heyvandan da yaranmamışam. Bu uydurma və xülyadır. Bu yalnız məşhur olmaq istəyənlərin uydurmasıdır. Mən yaradıcıyam. Allah(c.c) məni yaratdı məndə premetləri,seyləri. Mən danışanam. Mən hər hansı bir şeyə fikir bildirə bilirəm. Deməli mə fikirləşənəm. Hiss edə bilirəm, yalanı, doğruyu,yaxşıyı, pisi, mərdi, namərdi ayıra bilirəm.Mən gəzə bilirəm, ayaqlarımın gücünü hiss edirəm. Mənim əllərim var və onu hərəkət etdirirəm. Dilim, dilim var. O mənim silahımdır. Bununla ya zirvəyə qalxa ya dibə düşə  bilərəm. Mən nitqə  malikəm. Mən hərflərdən söz düzəldib səsləndirirəm və nəzərə almaq lazımdır ki, söz qılıncdan itidir.Deməli,mənə başqa silah lazım deyil.Mənim gözüm, qulağım, burnun var. Mən duya bilirəm.

Mən insanam. Aldanıram aldadıram.  İnsanam yalan danışıram,  mənə yalan danışırlar.Canlıya zərər vururam.İnsan öldürürəm,  məni öldürürlər. Dağıdıram, parçalayıram, məhv edir, zərər vururam. İnsanlardan küsür,inciyir və onları küsdürür, incidirəm. Pislik edir və pisliklərlə üzləşirəm.Mən bəddualar edirəm və mənə də bəddualar edirlər. Mən insanlara nifrət edirəm və mənə nifrət edirlər.Həyata nifrət edir və yaşamaq istəmirəm. Mən həyata pessimist baxıram.

Mən insanam. Sevirəm sevilirəm. Yaxşılıq edir və yaxşılıq görürəm. Mən kömək edirəm və mənə kömək edirlər.Kiminsə xeyri üçün dualar edirəm və mənim üçün dua edirlər. Yaşamaq istəyir və həyatı sevirəm. mən həyata optimisit baxıram.

Məncə hər bir insan kim olduğunu araşdırmalı və bunun cavabını tapmalıdır. Çünki insan kim olduğunu bilməlidir. Özünü tanımayan insan özünü necə dərk edə bilər.İnsan kim olduğunu tapmasa həyatda da özünü tapa bilməz.